English
Бидний аялал эх газрын урд үзүүр, өмнөд өргөргийн 53°10' секундэд орших Чилийн Пунта Аренас хотоос эхэлнэ. Үүнээс урагш өөр том хот байхгүй. Хойноосоо урагш 7000 км сунаж тогтсон их Андын нурууг дагаж орших байгалийн үзэсгэлэнт цогцолбор газар Патагониа нь Аргентин, Чили улсын нутгийг хамран оршдог. Байгаль эхийн давтагдашгүй бүтээл, гайхамшигт Пайне Хорн уул, түүнийг тойрсон Торрес дел Пайне үндэсний парк, 270 км.кв талбайг эзлэн орших 28 км урт Грей мөсөн голын өвөрмөц тогтоцыг үзэж нүд баясгана.1519 онд нутгаасаа 5 хөлөг онгоц, 270 багийн гишүүнтэй гарч, баруун зүгийг барин явсаар 1522 онд ганц хөлөг онгоцтой багийнх нь 18 гишүүн эргэж ирснээр дэлхийг бөөрөнхий гэдгийг амь насаараа нотолсон Португалийн эрэлхэг далайчин алдарт Магелланы музей үзэж түүний мөрөөр аялна. Сонирхуулахад, аяллынхаа явцад ганц ч шуурга тааралгүй тайван дөлгөөн байсанд нь баярласан Магеллан зах хязгааргүй энэ том далайг Номхон гэж нэрлэжээ. Пунта Аренас хотоос хөлөг онгоцоор өмнөд өргөргийн 55°58' -т орших Дэлхийн төгсгөл-”Cape Horn” руу аялна. Бидний нэрлэдгээр цагаан тив Антарктид бол цас мөсөнд хучигдсан эх газар. Харин Антарктид тив, түүнийг хүрээлсэн Энэтхэгийн далай, Номхон далай, Атлантын далайн Умардын салхиар хязгаарлагдсан хэсэг болон энэ усан хил дотор харъяалагдах арлуудыг хамтад нь Антарктик гэдэг. Антарктид бол Антарктикийн төв. Дэлхийн бөмбөрцгийн өмнөд өргөргийн 60°-с Антарктик эхэлж өмнөд өргөргийн 90°-т Антарктид тив дуусна. Энэ бол манай дэлхийн бөмбөрцгийн өмнөд туйл буюу төгсгөл. Бидний аялал Антарктикийн хилд 4°42'-ын зайд дөхөж очно.
* Зочид буудалд 5 хоног
* Усан онгоцонд 4 хоног
* Кемпэд 3 хоног
Пунто Аренос хотын орон нутгийн нисэх буудалд уулзана. Зочид буудалд бууна.
Урт нислэгийн дараа цагийн зөрөөгөө гаргаж амарна. Оройн хоол идэж групп танилцана.
Магелланы музей, цэцэрлэгт хүрээлэн үзнэ. Пунто Аренос хотын аялал. Патагониа үзэх аялалд бэлдэнэ.
Патагониагийн аялал:Чилийн үндэсний Торрес-дель-Пайне парк
Хуурай газрын төгсгөл-Кейп Хорн -End of earth усан замын аялал. Аялал Ушвайе сууринд өндөрлөнө.
Ушвайегаас Буэнос Аэрос руу ниснэ. Зочид буудалд бууна.
Аяллын хэрэгцээт зүйл / Юу авч ирэх вэ? /
* Цаг агаарт нь тохирсон тааламжтай хувцас
* Дулаан хувцас, малгай,бээлий
* Хөлд таатай алхалтын гутал
* Алхалтын таяг
* Халуун сав /1 л/
* Усны сав / 1 л/
* Аяны хөнжил /-15С/
* Нарны шил
* Толгойны гэрэл нөөц батарейтай
* Ус нэвтрүүлдэггүй ачааны үүргэвч эсвэл цүнх / 70-80 л/
* Өдрийн үүргэвч / 10 -20 л /
* Борооны цув
* Нарны тос
* Уруулын тос
* Сайн чанарын гэрэл зургийн аппарат /татдаг нэмэлт дурантай бол сайн/
* Нүдний дуран
* Дэвтэр харандаа, үзэг бал
* Хэрэглэж сурсан дуртай хоол
* Хувийн эмийн сан / Өвчин намдаах эм, Халууны эм, Гэдэсний эм, Хаван хөөх эм, Даралтны эм, Цус шингэлэх витамин,
Аспириний төрлийн эм, Хуруу лент, шарх цэвэрлэх түрхлэг,спиртэн хөвөн ...гэх мэт/
* Зохион байгуулагч хариуцах нийтийн эмийн сан /Даралт, хүчилтөрөгч, халуун хэмжигч, чиг баригч, ороох боох материал/
АЯЛАЛ БАТАЛГААЖУУЛАХ БОЛОН ЦУЦЛАХ ЖУРАМ
Бид таны аяллыг хөтөлбөрийн хүрээнд, таны захиалсны дагуу, мэргэжлийн өндөр түвшинд, аюулгүй, тав тухтай, амжилттай зохион байгуулах үүрэг хүлээж, 3-4 сарын өмнө бэлтгэл ажлыг хангадаг. Гадаад болон дотоодын хамтрагч түншүүддээ таны нислэг, зочид буудлыг урьдчилан захиалж баталгаажуулахаас гадна аяллын холбогдох зөвшөөрлүүдийг урьдчилж авах зайлшгүй шаардлагатай байдаг.
Баталгаажуулалт: Аялал эхлэхээс 120 өдрийн өмнө урьдчилгаа 30 хувийг төлж аяллаа баталгаажуулна. Үлдэгдэл төлбөрийг аялал эхлэхээс 7 хоногийн өмнө төлж дуусгана.
Цуцлах: Та аяллаа цуцалсан тохиолдолд таны төлсөн урьдчилгаанаас зохион байгуулалтын зардлыг суутгаж дараах байдлаар буцаан олгоно.
30-с дээш хоногийн өмнө бол 100% буцаан олгоно.
15-30 хоногийн өмнө бол 75% буцаан олгоно.
8-14 хоногийн өмнө бол 50% буцаан олгоно.
0-7 хоногийн өмнө бол 25% буцаан олгоно.
