Монголын уулчдыг дэмжих “Гангаамаа“ сан анх 1997 оны 11 сарын 22 нд “Ганга Эверест “ сан нэртэйгээр байгуулагдаж үйл ажиллагааны чиглэл,зорилгоо “Монгол хүн Эверестэд гарах” гэж тодорхойлсон. Энэ зорилго 2005-2011 онд амжилттай хэрэгжсэн.

Бид Монголын уулчдыг гадаад авиралтанд амжилтаа ахиулахад шууд буюу шууд бусаар туслах, зохион байгуулахад үйл ажиллагаагаа чиглүүлж мөн тэднийг сурталчлах, урамшуулах, онол,техникийн ур чадвараа ахиулахад тодорхой сургалтанд хамруулах зэрэг ажлыг хийдэг.

2017 онд 20 жилийнхээ ойн босгон дээр шинэчилсэн зохион байгуулалтанд орж дараагийн 10 жилийнхээ зорилтыг тодорхойллоо."Гангаамаа" сан нь спортын чиглэлийн төрийн болон төрийн бус байгууллага тэр дундаа Биеийн Тамир Спортын Газар, Монголын Үндэсний Олимпийн Хороо болон уулын спортын мэргэжлийн холбоодтой нягт хамтран ажиллаж ирсэн ба цаашид ч гол зорилгоо болгоно.

“Гангаамаа” сангийн үйл ажиллагаа нь гадаад ба дотоод гэсэн хоёр чиглэлээр уулын спорт ба аялал жуулчлал гэсэн хоёр төрлөөр явагддаг.

Үйл ажиллагаагаа 5 бүсийн зөвлөлөөр дамжуулан хэрэгжүүлнэ.

Баруун бүсийн зөвлөл
Төвийн бүсийн зөвлөл
Зүүн бүсийн зөвлөл
Говийн бүсийн зөвлөл
Нийслэлийн бүсийн зөвлөл

Бидний үйл ажиллагаа:

Олон улсад хүлээн зөвшөөрөгдсөн, танигдсан, батламжлагдсан уул, авиралтын манлайлагч удирдагч, хөтөч, мэргэжлийн уулчдыг сургаж бэлтгэхэд чиглэнэ.
Монголын уулчид,жуулчдыг эх орныхоо болон гадаадын улс орны нэр бүхий уулуудын авиралтанд оролцоход дэмжих,удирдах мөн байгалийн үзэсгэлэнт газраар аялах аялалыг зохион байгуулна .
Гадаадын жуулчид, ууланд авирагчдыг эх орныхоо болон бусад орны ууланд авирахад хамтарч ажиллах,хөтөч хийх, зохион байгуулахад тус тус чиглэгдэнэ.
Уулын авиралтын сургалт,бэлтгэлийн бааз бий болгож бэхжүүлэхэд холбогдох бусад байгууллагатай хамтарч ажиллана.
Монгол улс болон олон улсад зохион байгуулагдах спортын болон,хүмүүнлэгийн арга хэмжээнд идэвхтэй хамтран оролцоно.

Хамт олон

Цогт-Очир Баттөр (Төрөө)

ТУЗ-ийн гишүүн

Мэргэжил:

Технологич инженер

Тэрээр уулын авиралт болон бусад аялалаас өөрийгөө таних, аливаа бэрхшээлийг даван туулах ухаан, бусадтай хамтрах туршлага, нутаг нутгийн онцлогоос суралцах, үр хүүхэд, залуу үедээ зөв үлгэр дууриалал үзүүлэх хүсэл тэмүүлэл зэрэг олон зүйлсийн утга учрыг олж таньдаг хэмээн тэр ярьдаг.

Аялал, Авиралтын түүх

2015 : Хэнтийн нуруу, Асралт хайрханы чигт 76км явган аялал.

2016 : Хэнтийн нурууны оргил Асралт хайрхан уул 2799м

2019 : Говь-Алтайн нурууны Их Богд уул 3957м

2020 : Африк тивийн ноён оргил Килиманжаро уулын Ухуру оргил 5895м

2020 : Алтай Таван богд уулын ноён оргил Хүйтэний авиралтад оролцсон

2020 : Алтай Таван богд уулын Малчин оргил 4051м

Доржготов Баярсайхан (Баяраа)

Олон нийттэй харилцах ажилтан

Мэргэжил:

Музейн мэргэжилтэн, Соёл Урлагийн менежер

Соёлын коллеж,СУИС-ийг төгссөн.

Цол:

Монгол улсын Соёлын тэргүүний ажилтан

Баяраа маань гэрэл гэгээ цацруулсан маш эелдэг, сайхан сэтгэлтэй, урлагийн өндөр мэдрэмж, мэдлэгтэй эмэгтэй. Түүх соёлын болон байгалийн аялалд сонирхолтой.

Бүтээл:

Мөнх тэнгэрийн цагаан уул – Отгонтэнгэр уулын тухай баримтат уран сайхны кино

Хорвоод ховорхон хүмүүн – Хутагт хувилгаадын тухай цуврал баримтат кино

Солонгын орноор - Солонгос улсад ажиллаж амьдарч буй монголчуудын тухай 56 цуврал нэвтрүүлэг

зэрэг 60 гаруй баримтат кино нэвтрүүлэгт зохиогч, найруулагч, хөтлөгч, продюсераар ажилласан.