Актру Сургалт авиралт | Гангаамаа сан

15 хоног / 16 өдөр

Актру уулын сургалт авиралт, Телецко нуурын аялал

АЛТАЙН БҮГД НАЙРАМДАХ УЛС

Алтайн Бүгд найрамдах улс нь ОХУ-ын нэг хэсэг юм. Энэ нь Хойд мөсөн далай, Номхон далай, Энэтхэгийн далай, Атлантын далайнуудаас ижил зайд Ази тивийн зүрхэнд оршдог. Монгол, Казакстан, Хятад, Алтайн хязгаар, Кеморово, Хакас, Автономит Тува улстай хиллэнэ. Алтай нь 92,9 мянган хавтгай дөрвөлжин км нутагтай,төрийн бичиг хэрэг орос хэл дээр явагддаг. Уулын Алтай бол Түрэг угсааны өлгий нутаг юм. Дэлхийн бүх Турэг хэлтэн ард түмэн энэхүү өлгийгөө “Кабайыбыс” гэж нэрлэдэг. Алтай омгийхныг хамгийн эртний Туркчууд гэж үздэг. Чухам энд Турэг хэл дээр түшиглэсэн Алтай язгуурын хэл бүрэлджээ.Энэ хэлний бүлэгт Япон-Солонгос,Тунгус-Манжуур,Турк-Монгол зэрэг хэлний бүлгүүд багтана. Алтайн Бүгд Найрамдах улсын нутаг дэвсгэрт уур амьсгалын бараг бүх бүсүүд байдаг. Алтай улсын нийслэл Горный Алтай хот нь Москвагаас 3641 км, Новосибирскээс 435 км, Монголын хилээс 553 км зайд оршдог. Москвагаас 3 цаг, Улаанбаатараас 1 цагийн зөрөөтэй. Алтай улсын ард түмэн Христ, Будда, Ислам шашин шүтдэг. Алтай улс нь цаст өндөр уулс, хүрмэн ногоон ой тайга, гүн цэнхэр нуур, хүрхрээ зэрэг үзэсгэлэнт байгаль, газар нутгаа түшиглэн аялал жуулчлалын бүх төрлийг өндөр түвшинд хөгжүүлдэг.

АКТРУ УУЛ

Актру уул нь ОХУ-ын Алтайн Бүгд Найрамдах улсын Кош-Агачийн районы нутагт оршиж Хойд Чуйгийн нурууны ноён оргил болон 4074метрийн өндөрт сүмбэрлэн харагдана. Их уулсын цээжин биеэс доош их бага Актругийн мөсөн гол үргэлжилнэ. Олон тооны хавцал, нугачаануудаас бүрдсэн энэ сүрлэг хийгээд үзэсгэлэнт нуруу энгэр хормойгоороо битүү ой, тайгаар эмжээрлэн хүрээлүүлсэн нь нэн үзэмж төгөлдөрийг илтгэнэ. Актру хэмээх ноён оргилын нэр нь Түрэг язгуурын Алтай хэл бөгөөд Монголчилон дуудаж болох хамгийн тохиромжтой нэр бол АК-цагаан, цайвар, ТРУ хэмээх нь орон байр,шилтгээн,өргөө гэсэн утгатай дүйх бөгөөд “Цайрах шилтгээн” хэмээн утгачилан орчуулсан нь байдаг. Анх 1938 оноос уулын авиралтын бааз суурийг бий болгосон түүхтэй.

ТЕЛЕЦКО НУУР

Телецк нуур нь өмнөд Сибирийн тиктоник гаралтай уулын хамгийн том нуур бөгөөд уулын Алтайн баруун хойд хэсэгт далайн төвшингөөс дээш 434 метрт оршдог. Телецк нуурыг “Алтан гол “гэж нэрлэдэг ба эртний нэр нь “ Ячиварай “ юм. Алтайд очоод Телецк нуурыг үзээгүй хүнийг Алтайд очсонд тооцдоггүй. Нуурын урт 77,8 км,дундаж өргөн хэсэг нь 5 км хүрнэ. Гүнээрээ Оросдоо Байгаль нуурын дараа 2-рт,Дэлхийд 25-р байранд ордог.Хамгийн гүн хэсэг нь 325 м,дундаж гүн 175 м ба хоёр цутгалантай./Камгин,Кыгин / Телецк нуураас Бия гол эх авч урсдаг. Үзэсгэлэнт энэ нууранд очсон хүн залуужиж,ажлын их эрч хүчийг олж,байгалийн сайханыг бишрэн шүтдэг.

Бүс нутаг: Алтайн уулсын Чуйн нуруу

Таатай улирал: 6-10 сар

Зэрэглэл: 2А, 2Б, 3А

Өндөр: 4074 м

Зам: Мөсөн гол, мөсөн голын хурдас, цас

Хугацаа: 15 хоног/ 16 өдөр

Байрлах газар:

* Актру уулын баазад 5 хоног /модон байшинд/

* Ууланд 3 хоног /майханд/

* Зочид буудалд 4 хоног

Хөтөлбөр

Өдөр 1 : Өлгийд ирж гэр баазад байрлана

Өдөр 2 : Өглөө эрт Монгол ОХУ-ын хил гарч Актру уулын баазад очиж байрлана

Өдөр 3 : Сургалтын өдөр

Өдөр 4: Сургалтын өдөр

Өдөр 5-8: Актру уулын авиралт

Өдөр 9: Цаг агаарын нөөц өдөр

Өдөр 10 : Актру баазаас Горный Алтай хотод ирнэ.

Өдөр 11-12 : Телецко нуурын аялал

Өдөр 13 : Телецко нуураас Горный Алтайд буцаж ирнэ. Үдийн хоолны дараа түүхийн музей үзнэ. Худалдан авалт хийнэ.

Өдөр 14 : ОХУ хилийн тосгонд ирж хононо.

Өдөр 15 : Монголын хил рүү орж, Өлгий хотод ирж хононо.

Өдөр 16 : Өлгий хотоос гэр рүүгээ буцацгаана.

АЯЛАЛ БАТАЛГААЖУУЛАХ БОЛОН ЦУЦЛАХ ЖУРАМ

Бид таны аяллыг хөтөлбөрийн хүрээнд, таны захиалсны дагуу, мэргэжлийн өндөр түвшинд, аюулгүй, тав тухтай, амжилттай зохион байгуулах үүрэг хүлээж, 3-4 сарын өмнө бэлтгэл ажлыг хангадаг. Гадаад болон дотоодын хамтрагч түншүүддээ таны нислэг, зочид буудлыг урьдчилан захиалж баталгаажуулахаас гадна аяллын холбогдох зөвшөөрлүүдийг урьдчилж авах зайлшгүй шаардлагатай байдаг.

Баталгаажуулалт: Аялал эхлэхээс 90 өдрийн өмнө урьдчилгаа 30 хувийг төлж аяллаа баталгаажуулна. Үлдэгдэл төлбөрийг аялал эхлэхээс 7 хоногийн өмнө төлж дуусгана.

Цуцлах: Та аяллаа цуцалсан тохиолдолд таны төлсөн урьдчилгаанаас зохион байгуулалтын зардлыг суутгаж дараах байдлаар буцаан олгоно.

30-с дээш хоногийн өмнө бол 100% буцаан олгоно.

15-30 хоногийн өмнө бол 75% буцаан олгоно.

8-14 хоногийн өмнө бол 50% буцаан олгоно.

0-7 хоногийн өмнө бол 25% буцаан олгоно.

ҮНИЙН МЭДЭЭЛЭЛ

Үнэнд багтсан үйлчилгээ: