English
Эртний түүхийн улбаат эргэл мөргөлийн өлгий, их Хималайн уулсын дунд орших Төвд орон, өнө эртний Лхас хотод морилон саатаж бурханы шашны нууцад нэвтрэн, Зуугийн хийд, Ботала ордны уран чамин хийцийг үзэж, түүхийн жимээр аялна. Монгол хүний хөл тэр болгон хүрээгүй Төвдийн зүүн хязгаарын нэн үзэсгэлэнт байгаль, үлгэр домогт сүм хийдүүдээр зочилно.
Дэлхийн хамгийн том уулын бүс, Хятад, Энэтхэг, Балба, Пакистан, Бутан гэсэн 5 улсыг дамнан 2400 км үргэлжлэх их Хималайн нурууны ноён оргил, далайн түвшнээс дээш 8848 метрийн өндөрт өргөгдсөн Дэлхийн дээвэр Эверест. Энэ уулын өвөр бэлд амьдардаг Балбачууд уулаа Сагармата, ар бэлд нь суух Төвдүүд Жомолунгма гэж нэрлэдэг. Аль аль нь Ертөнцийн дарь эх гэсэн утгатай. Дэлхий нийтээрээ англи гаралтай, Энэтхэгийн газарзүйч, судлаач Жорж Эверестийн нэрээр мэднэ. 1953 оны 5 дугаар сарын 29-нд шинэ Зеландын иргэн Эдмунд Хиллари, Балбын Дэнзэн Норгай нар оргилд нь анх хөл тавьжээ. Эверест ууланд Балбын талаас буюу урдаас нь авирдаг уулчдын бааз лагерь /5300м/, Төвдийн талаас буюу хойноос нь авирдаг уулчдын бааз лагерь /5200м/ байдаг. Хималайн нуруудтай хаяа дэрлэн орших Кайлаш нурууны ноён оргил, газар газрын хүмүүсийн шүтээн болсон ид шидийн нууцлаг, ариун Кайлаш уул Төвдийн алс баруун хязгаарт 6638 метрийн өндөрт сүндэрлэнэ. Энэ ууланд авирдаггүй. Зөвхөн гадуур, дотуур 2 замаар тойрч гороолдог. Сүсэгтэн мөргөлчид, адал явдал хайсан уулчид, жуулчид, гэгээрлийг хүссэн бясалгаач, даяанч нар хатуу бэрхийг үл хайхран энэ уулыг зорьдог. Ариун дагшин Манасорвар нуур энэ уулын хормойд зүрхэн тольт болон мэлтэлзэнэ.
* Зочид буудалд 11 хоног
* Гэйст хауст 5 хоног
* Уулын кемпэд 2 хоног
Лхас хотын нисэх буудалд уулзана. Дөрвөн одтой Цасны Диваажин буудалд бууна. /3658м/
Өндөрт дасангаа үдээс өмнө Зуугийн хийд, дараа нь Эверестийн музей үзнэ.
Далай ламын өвлийн ордон Ботала үзнэ.
Бала /4995 метр өндөртэй/ даваагаар давж, өндөрт дасан 460 км /8-9 цаг /явж, жуулчид, гэрэл зурагчдын мөрөөдөл болсон Төвдийн зүүн хэсэгт орших 6000 метрийн цаст уулсаар хүрээлэгдсэн үзэсгэлэнт Драксам нуурт очиж нуурын дундах арал дээр 14 дүгээр зуунд баригдсан үлгэр домгийн Цодан сүм, байгалийн сайхныг үзнэ. Medium зочид буудалд хононо.
Серкемла /4800м/ даваагаар давж, 270 км газрыг 6 цаг явж тэнгэрийн хэмээх тодотголтой үзэсгэлэнт Лунан ой, 7782 метрийн өндөртэй цаст Намча Бава уул, Дашган тосгоныг тольдон харж, нүд сэтгэл баясан гэрэл зураг буулгана. Буцаж, Драксам нуурын Медиум зочид буудалд ирж хононо.
Драксам нуураас Лхас буцах замдаа Гандан хийдээр /3800м/ зочилно. Лхас хотын 4 одтой Хималай зочид буудалд бууна.
Өглөө эрт хөдөлж Шигазе /3800м/ хотыг чиглэн 300 км явна. Замдаа Ямдрок нуур, Каро-ла мөсөн гол үзнэ. Шигазед Гэсэр зочид буудалд бууна.
Шигазегаас хөдөлж замдаа 5200 метрийн өндөртэй Пангла даваан дээрээс Их Хималайн уулсын 8000 метртэй цаст оргилуудыг тольдон харна. Энэ өдөр Эверестийн бааз лагерийн өмнөх шалган нэвтрүүлэх цэг хүрч, гэйст хауст хононо.
Энэ өдөр бааз лагерийн үйлчилгээний автобусаар Эверестийн бааз лагерь очиж, Дэлхийн зулай, Ертөнцийн дарь эх Жомолунгма хайрхныг хамгийн ойроос тольдон харж, нүд сэтгэл баясна. Буцаж автобусаараа шалган нэвтрүүлэх цэгт ирж, үдийн хоол идээд Тэнгэр /хуучин/ тосгонд ирж зочид буудалд бууна.
Кайлашийн горооны багтай групп нэгдэн Сага суурин орж гэйст хауст хононо. Энэ өдөр машинаар 450 км явж, 5000 орчим метрийн өндөртэй 2 даваагаар давна.
Өглөө эрт Сага суурин хөдөлж, 550 км яваад Кайлаш уулын өвөр бэл дэх Дарчин /4500м/ гацаа ирж гэйст хауст хононо. Замдаа дэлхийн 8000м-с дээш өндөртэй 14 уулын 14 дэх оргил Ши Ши Пангма /8012м/ уул, ариун Мансаровар нуур, Кайлаш хайрханыг тольдон харна. Мөн 5000 метрийн өндөртэй 4 даваа давна. Энэ газар нутагт исламын шашинт иргэд оршин суудаг.
Гороо эхэлнэ. 6-7 км газар автобусаар явж, гороо эхлэх цэгт ирнэ. Ачааг сарлагт ачна. Энэ өдөр 11 км алхаж, 5000 метрийн өндөрт байрлах Дрирапүк кемпэд ирж хононо.
Гороо үргэлжлэх өдөр. Өглөө эрт Дрирапүк кемпээс 22 км алхаж, энэ аяллын хамгийн өндөр цэг болох 5630 метрийн өндөр даваагаар давна. Энэ давааны их овоон дээр саатаж, зан үйл үйлдэж, гэрэл зураг авна. Даваа уруудаж алхаад 4650 метрийн өндөрт байдаг дараагийн Зултрипүк кемпэд ирж хононо.
Горооны сүүлийн өдөр. Энэ өдөр 11 км уруудан алхаж Зонду автобусны зогсоол ирж эндээсээ автобусанд суун гороо эхэлсэн Дарчин /4500м/ тосгонд эргэж ирнэ.Үдийн хоол идсэний дараа машиндаа сууж Мансаровар нууран дээр ирж, гэйст хауст хононо.
Энэ өдөр ариун дагшин энэ нуурын уснаас сүсэглэн хүртэж, нуурын догшин лусыг тахидаг Чиу хийдээр зочилж эргэл мөргөл хийж болно.
Мансаровар нуураас хөдөлж Сага суурин орж хононо.
Сага суурингаас хөдөлж Шигазе хот орж Гэсэр зочид буудалд бууна.Энэ хот Төвдийн 2 дахь том хот бөгөөд, алдарт Дашлхүмбэ хийд байдаг.
Шигазе хотоос хөдөлж Лхас хотноо ирнэ. Хималай зочид буудалд бууна.
Лхас хотын зах зээлтэй танилцах чөлөөт өдөр.
Лхас хотын нисэх буудлаас ниснэ.
Аяллын хэрэгцээт зүйл /Юу авч ирэх вэ?/
* Цаг агаарт нь тохирсон тааламжтай хөнгөн хувцас
* Өндрийн кемп дээр өмсөх дулаан хувцас, малгай,бээлий
* Хөлд таатай аяллын пүүз
* Өндрийн алхалтын гутал
* Алхалтын таяг
* Халуун сав /1 л/
* Усны сав / 1 л/
* Sleeping bag -Аяны хөнжил /-15С/
* Нарны шил
* Толгойны гэрэл нөөц батарейтай
* Ус нэвтрүүлдэггүй ачааны үүргэвч эсвэл цүнх / 70-80 л/
* Өдрийн үүргэвч / 10 -20 л /
* Нарны тос
* Уруулын тос
* Сайн чанарын гэрэл зургийн аппарат /татдаг нэмэлт дурантай бол сайн/
* Дэвтэр харандаа, үзэг бал
* Хэрэглэж сурсан дуртай хоол
* Хувийн эмийн сан / Өвчин намдаах эм, Халууны эм, Гэдэсний эм, Хаван хөөх эм, Даралтны эм, Цус шингэлэх витамин,
Аспириний төрлийн эм, Хуруу лент, шарх цэвэрлэх түрхлэг,спиртэн хөвөн ...гэх мэт/
* Зохион байгуулагч хариуцах нийтийн эмийн сан /Даралт, хүчилтөрөгч, халуун хэмжигч, чиг баригч, ороох боох материал/
ЗӨВЛӨМЖ: Нийт аяллын 80 орчим хувьд өндөр буюу өндөрлөг газраар аялах тул танд өндрийн өөрчлөлтийн шинж тэмдгүүд илэрч болно. Хөтчийнхөө зөвлөгөөг дагахыг танд зөвлөж байна. Таны эрүүл мэндийг мэргэжлийн өндрийн хөтөч тогтмол хянаж, шаардлага гарвал шуурхай арга хэмжээ авна.
АЯЛАЛ БАТАЛГААЖУУЛАХ БОЛОН ЦУЦЛАХ ЖУРАМ
Бид таны аяллыг хөтөлбөрийн хүрээнд, таны захиалсны дагуу, мэргэжлийн өндөр түвшинд, аюулгүй, тав тухтай, амжилттай зохион байгуулах үүрэг хүлээж, 3-4 сарын өмнө бэлтгэл ажлыг хангадаг. Гадаад болон дотоодын хамтрагч түншүүддээ таны нислэг, зочид буудлыг урьдчилан захиалж баталгаажуулахаас гадна аяллын холбогдох зөвшөөрлүүдийг урьдчилж авах зайлшгүй шаардлагатай байдаг.
Баталгаажуулалт: Аялал эхлэхээс 120 өдрийн өмнө урьдчилгаа 30 хувийг төлж аяллаа баталгаажуулна. Үлдэгдэл төлбөрийг аялал эхлэхээс 7 хоногийн өмнө төлж дуусгана.
Цуцлах: Та аяллаа цуцалсан тохиолдолд таны төлсөн урьдчилгаанаас зохион байгуулалтын зардлыг суутгаж дараах байдлаар буцаан олгоно.
30-с дээш хоногийн өмнө бол 100% буцаан олгоно.
15-30 хоногийн өмнө бол 75% буцаан олгоно.
8-14 хоногийн өмнө бол 50% буцаан олгоно.
0-7 хоногийн өмнө бол 25% буцаан олгоно.
