English
Бид Алтайн их уулсад авирахын тулд Монголын хамгийн баруун зах хязгаар болох Казак үндэстний өлгий нутаг үзэсгэлэнт Баян-Өлгий аймагт очно. Монголын энэ газар нутагт Казак үндэсний соёл иргэншилтэй танилцаж, бүргэдийн анчин нутгийн айлд зочлох болно.
Алтай таван богдын Хүйтэн уул нь Монгол орны баруун хилийн дагуу Баян-Өлгий аймгийн Цэнгэл, Улаанхус сумын нутагт далайн түвшнөөс дээш 4374 м өргөгдсөн. Хүйтэн уулын эргэн тойрон Малчин, Найрамдал, Наран, Бүргэд, Цагаан суврага, Өлгий зэрэг 3800-4129 метрийн өндөртэй цаст оргилууд зэрэгцэн оршдог. Мөн хүн авираагүй нэргүй оргилууд ч байдаг. Эдгээр оргилууд нь Потанин, Александр, Гринейн мөсөн голуудаар эмжигдэн үзэсгэлэн төгөлдөрөөр оршино.
Хүйтэн уул нь Монгол орны хамгийн өндөр уул гэдгээр төдийгүй тогтоц, байршил, зэрэглэлээрээ Дэлхийн уулчид жуулчдын анхаарлыг ихээхэн татаж зуны 3 сард хүний хөл үл тасарна. Хүйтэн ууланд анхны авиралтыг хийснээс хойш 100 гаруй жил болж байгаа бөгөөд Монголын уулчид 1956 онд анх амжилттай авирсан.
Чингис хаан олон улсын нисэх буудалд уулзана. Хотын төвийн зочид буудалд байрлана.
Хотын аялал: Үндэсний түүхийн музей, Цонжин болдог. Танилцах хоол.
Улаанбаатараас БаянӨлгий ниснэ.Нисэх буудал дээр үйлчилгээний ажилчид тосож Цагаан гол явна. Таван богд үндэсний паркийн хаалга/ /2400 м / Нислэгийн хуваариас шалтгаалж дундын кемп байгуулах эсэхээ шийднэ.
Цагаан голоос Бааз лагерь рүү 18 км алхана / 3000 м /. Ачааг тэмээнд ачна.
Өндөр авалт хийж, авиралтын бэлтгэл ханган өнжинө.
Хүйтэн 4374 м , Найрамдал 4129 м оргилуудын авиралт хийж бааз лагерьт бууж ирнэ.
Цаг агаарын нөөц өдөр
Таван богд үндэсний паркийн Ойгор хаалга руу бууна / 2700 м /
Өлгий хот явах замдаа бүргэдтэй айлд зочилно. Өлгийд оройн хоол иднэ. Гэйст хауст бууна.
Улаанбаатар ниснэ. Бэлэг дурсгалыг зүйлс худалдан авна. Ардын урлагийн тоглолт үзнэ. Хаалтын хоол.
Чингис хаан олон улсын буудлаас ниснэ.
1. Хувийн авиралтын хувцас хэрэгслэл
* 6000 метр хүртэл өмсдөг авиралтын гутал
* Салхины өмд
* Ноосон өмд / нимгэн ,зузаан /
* Салхины хүрэм
* Өдөн хүрэм
* Нарны малгай эсвэл нимгэн малгай
* Зузаан ноосон малгай
* Хүзүүвч
* Нимгэн бээлий
* Салхины бээлий \гарын алган тал нь хатуулгатай \
* Авиралтын оймс 3-4 хос
* Футволка, цамц
* Өдөн хөнжил / -15 C дээш /
* Чийгний гудас
* Хийлдэг гудас
* Усны сав 1л
* Халуун сав
* Толгойн гэрэл
* Нөөц батарей
* Нарны тос / SF 50- аас дээш /
* Уруулын гель
* Цасны шил
* Том пластик уут - 3ш
* Ачааны цүнх / 120 л /
* Үүргэвч / 40 л /
* Хувийн эмийн сан
2. Хувийн авиралтын багаж хэрэгслэл
* Мөсний тах
* Мөсний алх
* Хударга
* Аялалын таяг 1 хос
* Карабинууд: түгжээтэй 3ш
Энгийн 2ш
* Прүсик 2ш
* Дуулга
* Жумар
* Буугч / 8 тоо эсвэл бусад төрлийн /
* Шруп 1ш
3. Бусад
* 6 сараас дээш хугацаатай Гадаад паспорт
* Зургийн аппарат
* Дэвтэр ,харандаа
* Өөрийн дуртай хоол хүнс байж болно
* Хувийн эмийн сан
АЯЛАЛ БАТАЛГААЖУУЛАХ БОЛОН ЦУЦЛАХ ЖУРАМ
Бид таны аяллыг хөтөлбөрийн хүрээнд, таны захиалсны дагуу, мэргэжлийн өндөр түвшинд, аюулгүй, тав тухтай, амжилттай зохион байгуулах үүрэг хүлээж, 3-4 сарын өмнө бэлтгэл ажлыг хангадаг. Гадаад болон дотоодын хамтрагч түншүүддээ таны нислэг, зочид буудлыг урьдчилан захиалж баталгаажуулахаас гадна аяллын холбогдох зөвшөөрлүүдийг урьдчилж авах зайлшгүй шаардлагатай байдаг.
Баталгаажуулалт: Аялал эхлэхээс 90 өдрийн өмнө урьдчилгаа 30 хувийг төлж аяллаа баталгаажуулна. Үлдэгдэл төлбөрийг аялал эхлэхээс 7 хоногийн өмнө төлж дуусгана.
Цуцлах: Та аяллаа цуцалсан тохиолдолд таны төлсөн урьдчилгаанаас зохион байгуулалтын зардлыг суутгаж дараах байдлаар буцаан олгоно.
30-с дээш хоногийн өмнө бол 100% буцаан олгоно.
15-30 хоногийн өмнө бол 75% буцаан олгоно.
8-14 хоногийн өмнө бол 50% буцаан олгоно.
0-7 хоногийн өмнө бол 25% буцаан олгоно.
