English
Бид Алтайн их уулсад авирахын тулд Монголын хамгийн баруун зах хязгаар болох Казак үндэстний өлгий нутаг үзэсгэлэнт Баян-Өлгий аймагт очно. Монголын энэ газар нутагт Казак үндэсний соёл иргэншилтэй танилцаж, бүргэдийн анчин нутгийн айлд зочлох болно. Алтай таван богдын Хүйтэн уул нь Монгол орны баруун хилийн дагуу Баян-Өлгий аймгийн Цэнгэл, Улаанхус сумын нутагт далайн түвшнөөс дээш 4374 м өргөгдсөн. Хүйтэн уулын эргэн тойрон Малчин, Найрамдал, Наран, Бүргэд, Цагаан суврага, Өлгий зэрэг 3800-4129 метрийн өндөртэй цаст оргилууд зэрэгцэн оршдог. Мөн хүн авираагүй нэргүй оргилууд ч байдаг. Эдгээр оргилууд нь Потанин, Александр, Гринейн мөсөн голуудаар эмжигдэн үзэсгэлэн төгөлдөрөөр харагдана. Хүйтэн уул нь Монгол орны хамгийн өндөр уул гэдгээр төдийгүй тогтоц, байршил, зэрэглэлээрээ Дэлхийн уулчид жуулчдын анхаарлыг ихээхэн татаж зуны 3 сард хүний хөл үл тасарна. Хүйтэн ууланд анхны авиралтыг хийснээс хойш 100 гаруй жил болж байгаа бөгөөд Монголын уулчид 1956 онд анх амжилттай авирсан.Баян-Өлгий аймгийн Цэнгэл суманд орших Хотон, Хурган нуурууд нь мөстлөгийн гаралтай, цэнгэг уст үзэсгэлэнт томоохон нуур юм. Энэ хоёр нуур хоорондоо 2 км урттай хоолойгоор холбогдох бөгөөд Ховд голыг усаараа тэтгэдэг. Хотон, Хурган нуур далайн түвшнээс 2072-2084 метрт өргөгдсөн, эргийн урт 22-23 км, өргөн 4-6 км, 50-71 км.кв талбайг эзэлнэ. Дундаж гүн 7.8-26.8 м, хамгийн гүндээ 28-58 метр хүрнэ.Хурц ногоон нуга, цэлмэг тэнгэр, цагаан цасан малгай, ногоон модон хүрэмтэй уулсын хормойг чимэглэн хөхрөх холбоо хоёр нуурын эрэгт бөмбийх казах гэрүүд зурагнаас бууж ирсэн мэт үзэсгэлэнтэй.
* Зочид буудалд 3 хоног
* Гэйст хауст 1 хоног
* Майханд 12 хоног
Чингис хаан олон улсын нисэх буудалд уулзана. Хотын төвийн 4 одтой зочид буудалд байрлана.
Хотын аялал: Үндэсний түүхийн музей, Цонжин болдог. Танилцах хоол.
Улаанбаатараас Баян-Өлгий ниснэ. УАЗ пургон машинаар Таван богд үндэсний цогцолборт газрын хойд хаалга -Ойгор / 2400 м / хүрч хононо. Замдаа бүргэдийн анчин айлд зочилно. Нислэгийн хуваариас шалтгаалж дундын кемп байгуулах эсэхээ шийднэ.
Ойгороос Бааз лагерь рүү 15 км алхана / 3000 м /. Ачааг тэмээнд ачна.
Өндөр авалт хийж, авиралтын бэлтгэл ханган өнжинө.
Хүйтэн 4374 м , Найрамдал 4129 м оргилуудын авиралт хийж бааз лагерьт / 3000м / бууж ирнэ.
Цаг агаарын нөөц өдөр
Бааз лагериас 18 км уруудан алхаж, Таван богд үндэсний цогцолборт газрын урд хаалга Цагаан голд ирж кемп байгуулж хононо. Ачааг тэмээнд ачна.
Цагаан голоос 7-8 цаг алхаж Хар салааны эхэн хүрч хононо. Ачааг тэмээнд ачна.
Тахилтын даваа /3100м/ давж Цагаан усны рашаан буюу Хотон, Хурган нуурын эх рүү бууж хононо. Ачааг тэмээнд ачна.
Арал толгойн застав руу алхана. Эндээс машинд сууж Билүү толгой орж хононо. Хадны зураг үзнэ.
Их, бага Түргэний хүрхрээ үзэж Түргэний аманд кемп байгуулж хононо.
Өлгий хотод ирнэ. Баян-Өлгий аймгийн байгаль, түүх, угсаатны зүйн музей үзнэ. Оройн хоол иднэ. Гэйст хауст хононо.
Өлгий хотоос Улаанбаатар луу ниснэ. Бэлэг дурсгалын зүйлс худалдан авна. Ардын урлагийн тоглолт үзнэ. Оройн хоол иднэ. Зочид буудалд байрлана.
Чингис хаан олон улсын нисэх буудлаас ниснэ.
1. Хувийн авиралтын хувцас хэрэгслэл
* 6000 метр хүртэл өмсдөг авиралтын гутал
* Шагайны хамгаалалттай алхалтын гутал
* Түрий /Alpine gaiters/
* Салхины өмд
* Ноосон өмд / нимгэн ,зузаан /
* Салхины хүрэм
* Борооны цув
* Өдөн хүрэм
* Нарны малгай эсвэл нимгэн малгай
* Зузаан ноосон малгай
* Хүзүүвч
* Нимгэн бээлий
* Салхины бээлий \гарын алган тал нь хатуулгатай \
* Авиралтын оймс 3-4 хос
* Футволка, цамц
* Өдөн хөнжил / -15 C дээш /
* Чийгний гудас
* Хийлдэг гудас
* Усны сав 1л
* Халуун сав
* Толгойн гэрэл
* Нөөц батарей
* Нарны тос\ SF 50- аас дээш\
* Уруулын гель
* Шумуулны тос,хамгаалах хэрэгсэл
* Цасны шил
* Том пластик уут -3 ш
* Усны хамгаалалттай ачааны цүнх /120 л/
* Үүргэвч / 40 л /
* Хувийн эмийн сан
2. Хувийн авиралтын багаж хэрэгслэл
* Мөсний тах
* Мөсний алх
* Хударга
* Алхалтын таяг 1 хос
* Карабинууд: түгжээтэй 3ш
Энгийн 2ш
* Прүсик 2ш
* Дуулга
* Жумар
* Буугч / 8 тоо эсвэл бусад төрлийн/
* Шруп 1 ш
3. Бусад
* 6 сараас дээш хугацаатай Гадаад паспорт
* Зургийн аппарат
* Дэвтэр ,харандаа
* Өөрийн хэрэглэх дуртай хоол хүнс
* Хувийн эмийн сан / Өвчин намдаах эм, Халууны эм, Гэдэсний эм, Хаван хөөх эм, Даралтны эм, Цус шингэлэх витамин,
Аспириний төрлийн эм, Хуруу лент, шарх цэвэрлэх түрхлэг,спиртэн хөвөн ...гэх мэт/
* Зохион байгуулагч хариуцах нийтийн эмийн сан /Даралт, хүчилтөрөгч, халуун хэмжигч, чиг баригч, ороох боох материал/
АЯЛАЛ БАТАЛГААЖУУЛАХ БОЛОН ЦУЦЛАХ ЖУРАМ
Бид таны аяллыг хөтөлбөрийн хүрээнд, таны захиалсны дагуу, мэргэжлийн өндөр түвшинд, аюулгүй, тав тухтай, амжилттай зохион байгуулах үүрэг хүлээж, 3-4 сарын өмнө бэлтгэл ажлыг хангадаг. Гадаад болон дотоодын хамтрагч түншүүддээ таны нислэг, зочид буудлыг урьдчилан захиалж баталгаажуулахаас гадна аяллын холбогдох зөвшөөрлүүдийг урьдчилж авах зайлшгүй шаардлагатай байдаг.
Баталгаажуулалт: Аялал эхлэхээс 90 өдрийн өмнө урьдчилгаа 30 хувийг төлж аяллаа баталгаажуулна. Үлдэгдэл төлбөрийг аялал эхлэхээс 7 хоногийн өмнө төлж дуусгана.
Цуцлах: Та аяллаа цуцалсан тохиолдолд таны төлсөн урьдчилгаанаас зохион байгуулалтын зардлыг суутгаж дараах байдлаар буцаан олгоно.
30-с дээш хоногийн өмнө бол 100% буцаан олгоно.
15-30 хоногийн өмнө бол 75% буцаан олгоно.
8-14 хоногийн өмнө бол 50% буцаан олгоно.
0-7 хоногийн өмнө бол 25% буцаан олгоно.
