English
Та Дархадын цэнхэр хотгор, Хорьдол сарьдагийн нуруу, Зүүн, баруун тайгаар мориор аялахдаа Монгол Улсын үндэсний цөөнхийн хамгийн бага төлөөлөл болох цаатан иргэдийн ахуй, бөө мөргөлийн зан үйл, Монгол орны хамгийн зэлүүд онгон дагшин байгальтай нүүр тулж, технологийн хөгжил, мэдээллийн дарангуйлал, тансаг хэрэглээнд төөрсөн бидний амьдралаас тэс ангид жинхэнэ “МИНИМАЛИСТ” амьдралаар амьсгалах болно. Хоёр сая гаруй жилийн настай, Монголын хамгийн гүн, Монгол улсын нийт цэнгэг усны 70%-ийг дангаараа бүрдүүлдэг, цэнгэг уст Хөвсгөл нуур нь 136 км урт, 20-40 км өргөн, 260 орчим метр гүн, Төв азийн тал нутаг, Сибирийн тайгатай зэрэгцэн байгалийн үзэсгэлэнт төрхөө гайхуулан оршдог. Амаргүй замд өөрийгөө сорьж, адал явдлаар дүүрэн аялж, байгалийн сайханд нүд сэтгэлээ баясгаж, Хөх сувд-Хөвсгөл нуурын эрэгт алжаалаа тайлах гайхамшигтай цогц аялал таныг хүлээж байна.
* Зочид буудалд 3 хоног
* Жуулчны баазад 2 хоног
* Гэйст хауст 1 хоног
* Майханд 8 хоног
* Урцанд 2 хоног
Чингис хаан олон улсын нисэх буудалд уулзана. Хотын төвийн 4 одтой зочид буудалд байрлана.
Хотын аялал: Үндэсний түүхийн музей, Цонжин болдог. Танилцах хоол. /Зочид буудал/
Улаанбаатараас Мөрөн ниснэ. УАЗ пургон машинаар 180 км явж Улаан Уул сум хүрч гэйст хауст хононо.
Улаан-Уул сумаас машинаар130 км явж, Цагааннуур сумын нутаг дэвсгэр дэх зүүн тайгын морин аяллын эхлэлийн цэгт хүрч хононо. /Майхан/
Зүүн тайгын морин аялал. Цаатан айлд зочилж аж байдал, соёлтой танилцана. Урцанд хононо.
Зүүн тайгаас буцаж, морин аяллын эхэлсэн цэгт ирж хононо. Биднийг авахаар УАЗ пургон машин ирсэн байна. /Майхан/
УАЗ пургон машинаар 70 км явж Ренчинлхүмбэ сум орж, Хорьдол сарьдагийн морин аяллын эхлэлийн цэгт хүрч хононо. /Майхан/
Хорьдол сарьдагийн морин аялал. /Майхан/
Хорьдол сарьдагийн нурууг Хорьдолын даваагаар давж, Хөвсгөл нуурын ай сав руу бууж ирнэ. Жуулчны баазад бууна.
Жуулчны баазад амарна. Сонголтоор нуурын аялал хийж болно.
Өглөө эрт машинаар Мөрөн хот орно. Цааш Мөрөн-Улаанбаатар ниснэ. Улаанбаатарт бэлэг дурсгалын зүйлс худалдан авна. Оройн хоолтой. Зочид буудалд байрлана.
Чингис хаан олон улсын нисэх буудлаас ниснэ.
Аяллын хэрэгцээт зүйл /Юу авч ирэх вэ?/
* Цаг агаарт тохирсон хувцас
* Морин аялал, кемп дээр өмсөх дулаан хувцас, малгай, бээлий
* Салхины хүрэм
* Өдөн хүрэм
* Зузаан өмд
* Салхины өмд
* Нөөц оймс, Фудволка
* Ноосон малгай
* Зузаан, нимгэн бээлий
* Зузаан ноосон цамц
* Хүзүү, нүүрний хаалт
* Борооны цув
* Морин аяллын түрийтэй гутал
* Хамгаалалтын дуулга
* Алганы хамгаалалттай аяллын бээлий
* Шумуулны тос, хамгаалах хэрэгсэл
* Алхалтын гутал
* Халуун сав /1 л/
* Усны сав / 1 л/
* Аяны хөнжил /-15С +/
* Нарны шил
* Толгойны гэрэл нөөц батарейтай
* Ус нэвтрүүлдэггүй ачааны цүнх / 70-80 л/
* Усны хамгаалалттай өдрийн үүргэвч/ 20 л /
* Нарны тос
* Нарны малгай
* Уруулын тос
* Гэрэл зургийн аппарат
* Нүдний дуран
* Хувийн ариун цэврийн хэрэгсэл
* 00 цаас, нойтон салфетка
* Халаасны хутга
* Дэвтэр харандаа, үзэг бал
* Хэрэглэж сурсан дуртай хоол
* Хувийн эмийн сан / Өвчин намдаах эм, Халууны эм, Гэдэсний эм, Хаван хөөх эм, Даралтны эм, Цус шингэлэх витамин,
Аспириний төрлийн эм, Хуруу лент, шархны лент, шарх цэвэрлэх түрхлэг,спиртэн хөвөн, боолт ...гэх мэт/
* Зохион байгуулагч хариуцах нийтийн эмийн сан /Даралт, хүчилтөрөгч, халуун хэмжигч, чиг баригч, ороох боох материал/
АЯЛАЛ БАТАЛГААЖУУЛАХ БОЛОН ЦУЦЛАХ ЖУРАМ
Бид таны аяллыг хөтөлбөрийн хүрээнд, таны захиалсны дагуу, мэргэжлийн өндөр түвшинд, аюулгүй, тав тухтай, амжилттай зохион байгуулах үүрэг хүлээж, 3-4 сарын өмнө бэлтгэл ажлыг хангадаг. Гадаад болон дотоодын хамтрагч түншүүддээ таны нислэг, зочид буудлыг урьдчилан захиалж баталгаажуулахаас гадна аяллын холбогдох зөвшөөрлүүдийг урьдчилж авах зайлшгүй шаардлагатай байдаг.
Баталгаажуулалт: Аялал эхлэхээс 120 өдрийн өмнө урьдчилгаа 30 хувийг төлж аяллаа баталгаажуулна. Үлдэгдэл төлбөрийг аялал эхлэхээс 7 хоногийн өмнө төлж дуусгана.
Цуцлах: Та аяллаа цуцалсан тохиолдолд таны төлсөн урьдчилгаанаас зохион байгуулалтын зардлыг суутгаж дараах байдлаар буцаан олгоно.
30-с дээш хоногийн өмнө бол 100% буцаан олгоно.
15-30 хоногийн өмнө бол 75% буцаан олгоно.
8-14 хоногийн өмнө бол 50% буцаан олгоно.
0-7 хоногийн өмнө бол 25% буцаан олгоно.
